اوعى تعمل زى احمد !!!

[color=orange]
[center]

بسم الله الرحمن الرحيم

استغفر الله العظيم

إستووا.. إعتدلوا.. إستقيموا يرحمكم الله

الله أكبر

الله أكبر

أحمد ركز بأه في الصلاة وبلاش تسرح،

طيب خلاص،

إمممم.. هو الراجل اللي جنبي ده صوابع رجليه عاملة كده ليه؟

صباعه الكبير ده كبير أوي،

آه بمناسبة الصوابع هي صوابع زينب دي اللي هيا إيه؟

بيتهيألي دي اللي عاملة زي الزلابية،

زلابية؟؟ زلابية إيه بس وبتاع إيه

الله أكبر

أحمد ركز ياأحمد،

طيب ماأنا مركز أهوه،

مركز إيه طيب إنت قريت سورة إيه؟

أنا قريت سورة اللهب شفت بأه أنا مركز إزاي؟

لألأ دي كانت سورة الفيل

سمع الله لمن حمده

ربنا ولك الحمد،

أنا جعت،

بس مش عارف أفطر إيه النهاردة؟

آه المطعم الجديد اللي كانوا بيتكلموا عنه إمبارح،

بيقولوا عليه أكله حلو،

بس هو في شارع إيه؟

لما أخلّص الصلاة أتصل بالتليفون أعرف العنوان

;الله أكبر

هيا الساعة كام دلوقتي؟

زمانها أربعة وخمسة،

على فكرة هيا الساعة التانية الجلد كنت حطيتها فين؟

آه.. ياإما في الدرج ياإما في الدولاب،

دولاب ايه بس ياأحمد ركز ياأحمد إنت بتصلي، أستغفر الله

الله اكبر

أهوه أنا مركز أهوه،

إنظر لمكان السجود وركز في الأيات اللي بيقولها الإمام

الله أكبر

الشيطان ده أعوذ بالله بيخلي الواحد يسرح

مش هو الشيطان بيتسلسل في رمضان،

يعني بيتسلسل تلاتين يوم،

أيوه بس هو رمضان ده تسعة وعشرين ولا تلاتين؟

هو إبتدى إمتى؟

تعالى نحسبها كده..

هو كان يوم السبت في السعودية وفي مصر الأحد

غريبة أوي الحكاية؟

طيب لو واحد على الحدود ورجل بره ورجل جوه يصوم ولامايصومش؟

أحمد.. شفت أهوه إنت رجعت تسرح تاني

الله أكبر

هو إحنا في الركعة الكام؟

يعني هانقوم ولا هانقرأ التشهد؟

لا دي التانية،

طيب أقولك

إتأخر شوية وشوف الي جنبك هايقوم يقف ولا يقعد يقرأ التشهد

الله أكبر

أيوه دي الركعة التانية،

شفت بأه عشان سعادتك عمال تسرح،

لأ خلاص أعوذ بالله من الشيطان الرجيم

الله اكبر

السجادة دي مريحة ولونها حلو،

هيا سجادة ولا موكيت،

آه على فكرة إبقى إفتكر تكنس السجادة اللي في البيت بالمكنسة،

بس لازم أنضف كيس المكنسة عشان بقالي مده مانضفتوش

الله اكبر

الراجل اللي جنبي ده،

رجليه بتزق في رجلي،

طيب أحرك رجلي شوية،

الله ده بيلزقها فيا تاني،

أستغفر الله

الله أكبر

فيه صوت موبايل،

الناس دي ليه مش بتقفل الموبايل ساعة الصلاة..

مش عارفين ان ممكن ده يخلي الواحد مايركزش في الصلاة

الله أكبر

الراجل اللي جنبي ده عمال يتحرك كتير،

أستغفر الله مافيش خشوع خالص،

أنا أهوه مش باتحرك

السلام عليكم ورحمة الله

السلام عليكم ورحمة الله

إيه هيا الصلاة خلصت ؟

السلام عليكم ورحمة الله

السلام عليكم ورحمة الله

أستغفر الله العظيم

يا رب ما يكون حد فينا زي احمد

اللهم تقبل منا وتب علينا وارحمنا انك انت التواب

[/color]

احمد حوش صحبك عنى احمد صحبك جننى احمد مخالينى بسرح احمد الله يحرقك انت وهو
هههههههههههههههههههههههههههههههههه
نايس ولله يا ضئ مشاء الله عليكى

دائما فى تقدم
تقبالى مرورى
محمد ابو الدهب

نورت يامحمد التوبيك
واوعى تعمل زى احمد

نقره لعرض الصورة في صفحة مستقلة

مش انا والله يا جماعه اللى بتتكلمو عنه
هههههههههههههههههههه
انا الحمدلله ملتزم فى الصلام

بس موضوع جميل يا ضى فعلا بيحصل فى الصلاة مثل ذالك فندعى من الله

ان يجنبنا الشيطان فى الصلاه و يسبتنا جزاكى الله خير

ههههههههههه

لا مش انت طبعا يااحمد

ربنا يثبتك فى الصلاه

ويزيدك قربه من الله عز وجل[ندعوك للتسجيل في المنتدى أو التعريف بنفسك لمعاينة هذه الصورة]

مشكورة ياضى على الموضوع الرائع المفيد
تقبلى مرورى ولكى ارق تحيااااااااااااتى

تسلمى ياعبير ياقمر

ووحشتينا اوى والله
[ندعوك للتسجيل في المنتدى أو التعريف بنفسك لمعاينة هذه الصورة]

[b]السلام عليكم
يا رب تثبت على صلاتنا ويتقبل مننا ان شاء الله

امين يارب

نورتى ياقمر[ندعوك للتسجيل في المنتدى أو التعريف بنفسك لمعاينة هذه الصورة]

الموضوووووع والله جميل جدا
والاخت ضي بدات بيه كما لو كنا في واقع الموضوع(الصلاه)
طريقه حلوه تهيا لك انك باحداث الموضوع
ودي تخليك تكون قريب جدا منوووووو
موضوع جميل يا ضي
وبارك الله فيكي
[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم
يسلمو ايديكي ياضي....يارب تثبتنا على الصلاة..وتقوينا على انفسنا

ربنا يخليكى ياقمر ومرسى ياسامح

نورتونا ونورتم منتدانا ومواضيعنا

بارك الله فيكم

[ندعوك للتسجيل في المنتدى أو التعريف بنفسك لمعاينة هذه الصورة]

» تعمل ايه لو قابلت الرخم ده فى الشارع ؟؟
» احمد الله انك مساــــــم
» ......قــــــــصه الامام احمد ابن حمبل مع الخـــبــــأز .......
» ( ترجمه شعريه لموضوع حبيبتى تحت التراب ) اهداء لصديقى احمد المصرى ( حبيبتى تسكن هذا الضريح )