احلى الكلام

موضوع: احلى الكلام الخميس ديسمبر 16, 2010 12:56 am

احلى الكلام

اول ما نبدى القول نوحد ربنا

ونصلى ونسلم على طه الرسول

ونقول يامصر انتى حبنا

وانتى السلام والسلم وامان الوصول

احلى الكلام لما اللسان يهتف لمصر

والنصر فوق ارضك يامصر بالف نصر

ما انتى البداية وانتدى اصل المبتدا

وانتى الكلام الحلو من يوم ما ابتدا

الميم محبة والصاد صراحة والراء رضا

مصر السلام وعلى الدوام كايدا العدا

الاولى مصر قبل النصر منصورة

والتانية مصر بعد النصر فى الصورة

والتالتة مصر سلم وامن ومزارع

مأدنة وجوامع فى كل الدنيا مذكورة

والارض مزروعة بغناوى البت نوارة

نوارة تبدى النغم وترد سعدية

وان غنوا فى الليل يردالليل صحوبيه

والنصر فارس وراشش نوره فى الساحة

فاس الفلاحة ان عزف تتهز بهية

بهية مش بس جوه الكفر مبسوطة

دا الفرح بالنصر خلا العيشة مظبوطة

والضلة فى الغيط بتضفر شعرها المسبول

والفتلة فى النول تزعرت ترقص الفوطة

اغانى قلب الولد اصلا اغانيها

امانى جوة البلد من عين امانيها

دى مصر صحبه سلام عود حنة م الجنة

عين فلاحينا ان شكت تقول معانيها

نده الولد ع القمر سمعه القمر هدا

عدى النسيم ع الشجر حضن الورق ندا

لو ناى عزف للنغم يتلموا فى الدوار

سامر ومزمار وطيبة وحب ومودة

دى مصر قيمة ومقام سبقت زمان جيلها

تعطش وتروى العطش من سلسبيل نيلها

هى الامان والحنان والقمرى والقمره

يتلم اطراف ساحتها يرقصوا ف خيلها

مين غير بلدنا فى ليالى الحزن عزانا

عزانا العز مهما بعدنا بعدنا عزانا

تمللى تنسى الغلط وتحب وتسامح

وان جات تصالح ترقص خيلها ع الزانة

دى الاولى مصر قبل النصر منصورة

والتانية مصر بعد النصر فى الصورة

والتالتة مصر هى وبس ع القمة

وعشان مهمة ف عيون الغرب منظورة

دى مصر قيمة ومقام سبقت زمان جيلها

تعطش وتروى العطش من سلسبيل نيلها

هى الامان والحنان والقمرى والقمره

يتلم اطراف ساحتها يرقصوا ف خيلها

مين غير بلدنا فى ليالى الحزن عزانا

عزانا العز مهما بعدنا بعدنا عزانا

تمللى تنسى الغلط وتحب وتسامح

وان جات تصالح ترقص خيلها ع الزانة

دى الاولى مصر قبل النصر منصورة

والتانية مصر بعد النصر فى الصورة

والتالتة مصر هى وبس ع القمة

وعشان مهمة ف عيون الغرب منظورة
اخى العزيز
ابن النيل
تسلم,اناملك

[ندعوك للتسجيل في المنتدى أو التعريف بنفسك لمعاينة هذا الرابط]

يسلم,حبك,لوطنك
ويسلمك ويسلم مصر الحبيبة من,كل.شر

[ندعوك للتسجيل في المنتدى أو التعريف بنفسك لمعاينة هذا الرابط]

دمت فى رعايه الله وامنه

بجد مفيش اروع من كده

بتجيب الكلام ده منين يابن النيل

هههههههههههههه

سلمت وسلم لنا ابداعك

[ندعوك للتسجيل في المنتدى أو التعريف بنفسك لمعاينة هذه الصورة]

» برنامج زخرفة الكلام
» أنت إيه عذرك ليه مش بتصلي ؟ الصور أفضل من الكلام