معجزتك في ايديك

【 ۩ مـعجزتـك فـي إيـدك 】

آه و الله انتوا مش مصدقني؟
هتقولولي زمن المعجزات إنتهي هقولكوا
يمكن لكن في معجزات بتحصل في وقت لكن بتفضل دايماً أثرها معانا
زي القرآن الكريم مثلا
فكروا بـس فيها كدة هتلاقوا إن القرآن
هو كلام الله المنزل على محمد صلَ الله عليه و سلم
متخيلين!! كلام ربنا سبحانه و تعالي؟!

طيب نسأل الأول
لماذا أنزل الله القرآن الكريم؟

سورة ص{كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُوْلُوا الْأَلْبَابِ}

و كمان قال الله سبحانه و تعالي

{إِنَّ هَذَا الْقُرْآنَ يَهْدِي لِلَّتِي هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا كَبِيرًا}

كام واحد مننا بيتدبر و بيحاول يفهم القرآن؟
كام واحد بيعمل بتعاليم القرآن؟
كام واحد مننا مستمر علي قراءة القرآن بإنتظام؟
طب انتوا عارفين إن في 5 أنواع لهجر القرآن

1- هجر التلاوة والاستماع
يعني لا بتسمع ولا بتقرأ

2- هجر تدبر المعاني والآيات
يعني بتقرأ او بتسمع لكن بدون تركيز في المعاني

3- هجر العمل بالقرآن
يعني مش بتعمل بتعاليم القرآن الكريم

4- هجر التحكيم بالقرآن
يعني مش بتعمل بالقرآن في كل صغيرة و كبيرة في حياتك

5- هجر الاستشفاء بالقرآن
لأن القرآن نور صدورنا و راحة لنفسنا فا لما بنهجره مش بنستفيد من أي حاجة من دول

إنتوا عارفين لو احنا بس عودنا نفسنا علي اننا بعد كل صلاة في اليوم
نقرأ صفحتين من القرآن
مش هياخدوا منك الا يمكن 10 دقايق
دة فضل قراءة القرآن دة كبيير أوي

وقال صلَ الله عليه وسلم: (اقرأوا القرآن فإنه يأتي يوم القيامة شفيعاً لأصحابه ) رواه مسلم.

قال صلَ الله عليه وسلم: (خيركم من تعلّم القرآن وعلّمه ) رواه البخاري.

و حاجات تانية أكثر بكتير
هـا؟ هنحاول كدة مع بعض؟
نبدأ من انهاردة ان شاء الله
جربوها و ان شاء الله نستمر علي كدة
و نصبح من أهل القرآن اللي الرسول صلَ الله عليه و سلم قال عليهم أهل الله
ربنا يجعلنا و اياكم منهم يــارب
تقبل الله منّا و منكم صالح الأعمال يــارب

سبحان الله

اللهم اجعل القراءن العظيم ربيع قلوبنا ونور صدورنا وذهاب حزننا وجلاء همنا وغمنا

[ندعوك للتسجيل في المنتدى أو التعريف بنفسك لمعاينة هذه الصورة]

جزاكى الله كل خير ياضى
نورتى التوبك بمرورك

** معجزتك في ايديك**

معجزتك في ايديك