رسمتـك حلـم في قلبي

مسـاء الـورد والجوري وريح المسك والعنبر
مساء الذوق يا أحلا من الريحان وانواعه

رسمتـك حلـم في قلبي وفجأه صار بي يكبر
من اوّل ما عرفتك والاوامر منك منطاعه

بدونـك دنيتي ضلما واحسّ المـوت بي يعبر
واحسّ الريح في قلبـي تكسّر كل اضلاعه

بدونـك ينحفر قبـري وانا ارجاك لا تقـبر
بدونـك ينهدم قلبي وحلمي واجمل قلاعه

واذا اقبـلة كنّ الحـزن من نورك غدى يدبر
فرح قلبي بعد حزني وزالت كلّ اوجاعه

حبيـبي اذكر اللقـيا وقلـبي هلّـل وكبّر
حشى بالله ما انسى سوالف حبّ بالقاعه

انا اذكر قلت لو تسمح ضحكت وقلت لي اصبر
بعدها قلت يا ورده ترى الاشواق ملتاعه

بغيت آقول لك ( تبهر ) غلطت وقلت لك ( تهبر )
وقلت الزين دوّخني كلامي ضاع بشراعه

حـبيـبي اذكـر اللـقيا على بوّابـة المعـبر
فديت الناس لي حوله فديت اليوم والسّـاعه

[ندعوك للتسجيل في المنتدى أو التعريف بنفسك لمعاينة هذا الرابط]

حقيقى موهبه حقيقيه ..الله يحفظك

فى انتظار المزيد...بكل لهفه وود

دمتى بكل خير

» هل تسمح بأن أسميكـ قلبي؟!
» يعانق طيفك شرايين قلبي