بلاش بكششش

بلاش بكش

ياواد يا حنكش

علي مين هتكدب

ولفين هتهرب

ده انت اخرك

تجري وتنكش

***************

سايق لي العباطه

وبتسرقني تاتا تاتا

وتاخذ انت اللكشه

وتضحك عليه بشيكلاته

بلاش بكش ياواد ياحنكش

***************

نسيت ليه اصلك

ونسبك وفصلك

وتبيع ليه اهلك

علشان بتحب المشمش

عيب ياحنكش

جوعت ولاد المحروسه

وعشقت خلاص الكوسه

ولاعمرك كنت سوسه

ولاعمرك حبيت المش

طيب ليه التزويروالغش

اخص عليك ياحنكش

***********

طول عمرك حنكوش و اناني

فاضي جواك ومعجباني

بالقرش تبيع اخوك

وابوك لو صحي تاني

خدعوك بزعامه وهميه

وكبير العيله العربيه

وتاريخنا لو يتكلم

ماتحكم باب الشعريه

ويقوللك انت متحكمشي

كداب اوي ياحنكش